Kückenbericht OV 25

Refrain(2x)

„Vögel der Nacht….

Trinkid us schänkid iih….

Vögel der Nacht….

a geili Zyt isch es gsi….“

Ha’s fascht nöd köna globa… Ha abgmacht kamit mina zwo Brüader-Boba; Als Highlander wärid mer am Fritig a Fasnacht ganga, Da pensioniert Torner-Bruch us Widnau, hät sich aber dagega gstroba!!

A Stund mit Rock uf em Dorfplatz da Vögel zualuaga, da teg er sich nöd a…

Schliesslich seg er 50i gsi und dämfall nümma ganz en fitta Mah…

Jo nu; s’ischt wias ischt, doh hätmi scho a Vögel-Schar überrascht…..

Mit Küken-Maska flankiert; doch drunter gschminkt gsi; has schogstudiert;

Nöd amol köna i Ruah go schiffa goh

Do hät mi da Erwald packt.. fascht a da Hoor;

Wenigstens a Spezli noh überkoh und scho is ganga.. i d’Nacht mit Humor… Da Koni hät d’Schnorra nöd köna heba, ha selber mösa Lacha und köna d‘Aspannig kli los loh

Usgstellt uf em Dorfplatz dänn, hätda „Mesmers-Bob“ Benno Vollgas geh; Bömm fälla uf dia falsch Sitta, Motorsägala, Kindli flüügaloh,juah…;wa hätt dänn da Benno gretta,i sinera Laudatio do…

Nochana i’s dänn rassig ganga….a paar Wort us sim luuta Stimmesorgan verlora,und s’Küken ischt gschlüpft vor grossa Kulissa uus…Fasnacht hät agfanga und hät brucht viel Pfuus

Ha sehr viel mösa ghöra, trinka und macha…s’ischt dank em Vogelvater Nr. 24,bis in Ribelhof ufi ganga go tanza und lacha

Da Präsi vo da Burgtätscher dänn, hät sogär wella go ibrecha koh, s’ischt glob wohr…

Mer hönd nümma alles gwisst im Hirni, wa merhönd abgmachti da Nacht,mer zwo Vögel-Kindli…

S‘Nummer 15i am Samstigmorga früah, s’Küken mitgrupft hät zu Spiegeleiger und Speck, doch könid mers globa, dä Halbliter am Morga am 9i, isch gsi wia en Gedanka radibutz…, I möstnöchscht Johr go torna uf 9450 und da… sogär als Röllelibutz!!!

Ha aber vernoh, dass oh anderi Vögel hönd ka,a ganz a strengi Nacht, segs da Otto-Peter, Vogel Nr. 2, a da Rebstock-Bar..,oder Vögeli Claudia, uf em Parkplatz vor da Perchta-Bar

Und wers nöd globt, där dörf gärn s‘Räbschter-Tagblatt fröga, s’git zwor ko Pünkt, aber da Mänf hät immer rächt.

Es ischt a Pracht, enHammer-Umzug hömmerz’ Räbschta dörfa fiira; glob Körnlibank hät gwirkt, sogär da Gmeindrot häts gmerktundauals Zuaschauer mitgwirkt

Mini Bazza kollega, hei ei ei, sind ganga uf Schwäbisch Gmünd, is Dütsch, Sousaphon klaut s‘isch kon Hit, drum kömid wieder uf Räbschta, erGugger-Brüch.

S’hät enaaber koh Ruah loh, am Rosenmontag, s’isch da Gugger äna sina „Blind“,häts z’Räbschtaför dia Kampfsaua, a Brauerei-Besichtigung gäh, gär nöd so schlimm

Ha dänkt noch minera Gugger-Pension, wer Fasnacht mol kliruhiger, und nöd grechnet damit, sogär mol vovier Henna und no meh Vögel flankiert, am Lüchiger Maskaball als „Küken“ iimarschiert…!!

Oh verletzti Vögel, mit mana Flügel lahm, häts bi üs…Oje Dani, nöchst Johr i da Fasnachts-Vorbereitigroht i der a…,s’Fuuschta sie z’loh,so dass der da Spass am Bierbraua nöd no vergoht

Und tuat dänn alles nöd hälfa, isch da Don Camillo -„alias Don Promillo“…Wo isch sehr sozial, sicher dohund hälft der dä Hopfa und Malzz’mischa, so dasser mol i da Kercha, ka a Vogel-Bier uftischa….!!

Bedanka möchti mi oh för dia sehr originell Fan-Post…S‘ischt vom heissa Liebesbrief…Post an Samiklaus …bis zur Ermahnig vo da Zöri-Versicherigs-Direktion…gsi..!

Und wa oh cool und toll ischt…findi Eura Horst zum Schminka.., döt gits nämlich immer a Bier und was zum bicka…!!!