Körnlibank 2018

Im Durchmesser fascht fünf Millimeter gross
s Gwicht‘ nöd mehr als halbes Gramm – es ist famos
registriert unter da Nummera eis-zwo-acht
Paragraf fünf vum neua ReglementRäbschter-Fasnacht
Und s isch kaumzum glauba, aber wohr
da isch dia neu Puncherli-Normfür s’nöchschti Johr.

I hör‘ nach da Fusion scho da Ratsschrieber Graber Urs
mit am neua Gmeindspräsi im mündlich a Diskurs.
Beidi diskutierid imneua Rothusbim Frühstücka:
„Wer dörf hüt d Erdbeera im Triebhus beim Eugster pflücka?“

De Haarfresser Busch het sich müssein ärztlichi Behandlig begäh.
Da Grund isch a wüschtvereiterti Zunga -so öpis häsch no nie gsä.
Doch alli Pille und Sälbeli hönd nöd helfe wella
Leida und Schwiega für immer – do druf hät sich de Busch müsse istella.
Doch wa da Dokterund da Patient nöd gmerkt hend – und jetzt kunnt s’Aha.
D Ursach isch nöd Zunge gsi, sondern en abbrochna Zah‘.
Dä het am Busch a sinara Zunge kratzt und gschürrt,
an Bsuech bim Zahnarzt het zur sofortige Linderig gführt.
Übrigens isch während am Busch sinara
Lidenszit a wunderbariStilligsi, doch sit är wieder sc hnorra ka,
isc has mit da Ruhe leider wieder verbii.

I da Fahrschul han i s sc ho kapiert
wo mis Auto wörd häri parkiert.
Doch i ha zufällig gseh so an Räbschter Strassa-Held
wo parkiert hät uf amaBehinderta-Parkplatz-Feld.
Z Widnau bim Migros hör i drum a luts Ta-Tü-Ta-Ta
und da Stefan-Nauer kund vu da Polizei ganz bös dra.
Und för sini wohltätig Spend‘ vu 250 Franka.
tuat er sich nöd amol bi da Tsc hugger bedanka.
Justi: Dini Crema sind guat, du alta Sc hlufi
aber schmier‘s doch bitte zuerst i disHirni ufi.

Da Ski-Zirkus isch vom Räbschter Marc Girardelli kommentiert wora
doch zwäschazitlich hät ihn s Fernseh gschickt, üsi Groschli-Schnorra
Dä broat Vorarlberger-Dialekt verstoht i dä Schwiiz doch kei Sau
ussert mör Rhintaler, aber auwirwörid us dänaKommentär nöd schlau!

Und au üsa Mänf Bischofbergerhät vill i sini Fernsehkarriära investiert,
an Hochzitsfilm gmacht und bi da Pokalturnier-Vorschau mit Monolög brilliert.
Drum hät man ihn bim FCR Projekt-Filmjetzt sogar als Hauptdarsteller chönä gseh,
villicht würer gschieder grad auno am Girardelli sini Skirennä überneh.

D Begrüssig „Liebi Gäst vu da Sonnenbräu“
ischför üsari Claudia Graf eigentli nöd ganz neu.
Doch dia Begrüssig passt eifach nöd is Schema
bi da Gwerb-Usstellig vu da GIREMA.

Mit em Lüschi isc h nöd eifach Kirsche ässe
das wird aud Lisbeth Lutz nöd grad vergässe.
Ihre BuechehaagtuetemdSichtufdStrossversaua,
also wir der vo da Lisbeth sofort radibutz umghaua.

Bald stoht en neue Sichtschutzi Lisbeths Garta
doch de nögschti Protest loht nöd lang uf sich warta.
De Lüschi ärgeret sich grüe und blau,
denn jetz tstinkt ‘süberall im Quartier wied Sau.
Und d Lisbeth stoht spöter a da Baustell mit Banga und Hoffa
will sie bim Pfohl-Ramma genau d‘ Gasleitighät troffa.

Drum liebi Lisbeth, wenn du hüt do bischt im Saal,
für die Aktion bechunnscht vo üs de Obervogel-Wanderpokal.

Da Obervogel Dani Strickler isch eigentlich nöd doof
er hockat im Winter ganz allei z Lüchiga im Ribelhof
A Einladig i da Hand, doch niemand kunnt vorbi
will dia FC-Sitzig im Ribelhof sc ho vor ama Johrisch gsi.

Zehn Liter Glühwii, a Kischta Sunnabräu, an Notaständer
an Doppel-Kinderwaga und sieba Meter Balkongländer
a Aquarium, füfzehn Windlapäck und no an Ski
Urs Graber: I ha dir doch gseit, dis Elektro-Auto ischt eifach z kli.

I has im TVO geseh‘ und das isch kein Witzi
da Fernsehsendig „Menscha i da Ostschwiz“
baut d Familie Van Kesteren an chinesischa Spätzliwaga
da André und Nic ole krampfid und tönd nöd gross klaga.
Sogär da Pensionär Wila fluachat, schrubat und tut kleba,
bösi Zunga behauptid: Er krampfat no mehrals i sim ganza Berufsleba.

I sött a d Hauptversammlig vum FC
und au da Vortrag über d Biena vom Ivo han i wella gseh.
Und i wär au no gern go tanza zur Pro-Cultura i da Burg oba
doch wa i eu jetzt säg,isch kaum zum globa.
Alli drü Anläss sind am glicha Fritig abendgsi
wäg däna schlächta Planiga schiesst mir nöchstens grad d Milch no i.

Da Obervogel Otto Graf, üsers Eis
isch wohl scho a chli dement und an alta Greis.
Er isch i da Badi z Heida gedanklic himmer no i da Sauna gsi
und hät drum öpis wichtigs nümma dabi.
Badmantel weg und er stoht am Bassinrand
und allna Badegäscht raubt är da Verstand.
Füdlibluttsteht är im normala Hallenbad, dä armi Tropf
zum Glück fliesst sis Bluat nu no i sin Kopf.
Und alli Fraua grölid entzückt, i glob i spinn
Ächt wäg da Grössi vum Otto sim Ding?

Da Silvan Strickler hät mit em Flügä so sini Problem,
drum nimmt er da Johr uf Sardinia sis Auto ganz bequem.
D’Fährä hät aber z’Genua gwartet und gwartet ganz vergäbä
Denn scho z’Bellinzona isch dem armaKerli sin Karra abglägä.

I ha letschthin gmerkt, dass ma för alles irgend a Stür zahlt
mini Rechnig för Gmeind‘ und au för d Kircha lot mi nöd kalt
Au für s Benzin zahlt ma Mineral-Stür
und d Feuerwehr isch au no choga tüür
För min Hund muss i au viel z viel zahla
und au för mis Ross git s Bezahla Quala.
Neu wänd üsi Politiker jetz au no a Stür för alli Katza lanciera
aber wehe, wänn üsi Gmeind‘ au no för üs Vögel wett kassiera.

De Litscher und sini Doris wänd es eigas Wohnmobil konstruiere,
doch defür müends jedes einzelni Teili überall häri go organisiere.
Mit de neue Camper-Karosserie fahrt de Jürg stolz hei – mit vollem Garacho,
au bi de Doris im eigene Auto hinter em stiegt d Azeig bim Tacho,
Da Jürg voller Freud ‘über sis Schnäppli lacht,
do hät da Radar scho vo beidne zwei Fötelig macht.

Am Marcel Langengger gohts immer ganz mies
wänn är zrugg kunntvu nara Reis‘us Paris
Drümolisch da Kilbi-Gugger i da Weltstadt sich go erhola
und drümolhänds ihn usgraubt und ihm allas Gäld gstohla
Drum Mürs: Gang künftig liaberin Zick-Zack go Shoppen mit dinara Frau
dänn isch dis Gäld au ganz schnellzur Sau.

Die ganzi Bevölkerig ka i da Zitig zur Kenntnis näh
dass es im Bahnhof ussa a neus WC hät gä.
Doch dä Luxus kosc ht an Stutzund da find i doch sehr tüür
leider au nöd abziehbar bi üsera Gemeinds-Stür.
Wän i drum künftig min Stuehlgang und min Seich dringend söt lo laufa
lohnt sich sogär a Billet nebenzua bim FC Räbsc hta z kaufa.

Wa isch bloss mit üsere Verwaltiga los.
S Recht zum Abstimma, da gwichtet wir Schwizer doch ganz gross.
Drum be i so schockiert, traumatisiert – i kas kum globa

D Räbschter Ämter hend üs um üsers Stimmrec ht betroga.
Sie wänd wohl nöd,dass mer mitredid, so fies.
Warum sus schribt die evangelisch Kirchgmeind de falsch Ort uf de Stimmuswiis?
Dia Politisch Gmeind isc h o nöd besser, da schlot mir sogär uf da Maga.
Dia verwirrid üs mit eme falscha Datumuf da Stimmunterlaga.
Mer mönd ab sofort um üses Recht kämpfe und da Spiess wieder umtrülla
susch tut am Schluss üsi Verwaltig bi da Fusionsabstimmig alli Stimmauswis grad selber usfülle.

Da Ernst Schönauer isch i d Ferie für e paar Täg
mit em Jeep sinds durchs Land gfahre uf unwegsama Wäg.
Sini Frau het en gwarnt wia gförlichs isch, aber sie het nu könne hoffe,
prompt isch da Ernst mit am Auto immana Schlammloch versoffe.
Er hät möse fremdi Hilf hole -ganz allei.
en Traktor het sis Auto use zoge über Stock und Stei.
Und sini Judith het währeddessa us Trotzwitergelesen i ihrem Buech.
will sie verruc kt gsi ischt wäga däm Ruech.
Und sFazit vu dära Gschicht‘: D Manna söttid viel mehr uf üs Fraua losa
dänn hettidsies viel schöner und au kei dräckigi Hosa.

I bi mit amaKolleg‘ im neua Ochsa go essa
und ha a Pizza mit Pepperoni, Chili und Pfeffer gfrässa
und min Freund isch drum scharf woraund isch plötzlich verschwunda
i glob, er hät an Stock höher, s Ochsa-Puff doch no gfunda.

Är hät a Anfrage übercho, da Chef vu da Mobiliar
Da Langenegger Stefan hät natürlich zugesait, da isch jo klar.
Und hät Holz gsponsoratför da Funka vu da Jungwacht.
Doch er hät gmeint, er heg an billige privata Holz-Kaufgemacht.
Und so warteter uf d Holz-Lieferig bis hüt
Isch dä nöd langsam rief för Pfäffers, liebi Lüt?

An alta Ma hät mir letschthin verzellt
er heg wella zahla sini Stürschulda mit Bargeld.
Erseg is Rothaus zum Kurt Sieber ufs Amt
und seg döt versc hrocka ganz verdammt.
Döt segöppergsi mit ara ganz grossa Schnorra
und da alti Ma seg sogär fascht gfrässa wora.
Er isch drum sofort wieder homund da hät sin Grund
er hät nämli nöd gwüsst, wär gföhrlicher ist – da Sieber oder sin Hund

Bi zwei Hochziga nämlic h bim Roger und bi da Kathrin Keel
hönd mör Obervögel nebst Reis au Puncherligworfa uf Reinis Befehl.
Üsara Fasnac hts-Brauc h mit Gsang und Puncherli streua
tuat jedoch dia Verantwortlicha z Berneck und üsa Mesmer Xaver nöd freua.
Beidi hönd üs saftigi Rec hniga fürs Aufräumen gesc hickt.
50 und sogär 200 Stutz, da schmeckt nac h amana Konflikt.
Dänn mer Obervögel hönd no rechna glernt zum Glück
dia Pucherli-Aufräumata kostat sage und schreibe ein Franka zwanzg pro Stück.

Dia alti Bahnhöfli-Chefin isch wieder z ha
sie sucht im Facebook wia wild an neua Ma.
Da Ex isch uszoga und wohnt wieder allei
und dia heiss Wirtin isch för a neui Liebi wieder frei.

Da Alain Sutter und da Hüppi sind neu bim FC St. Galla dabi
beidi sind Fernseh-Kommentatora und uf da Lohnlista vum Schwizer-Fernseh gsi.
Und au da FC Rebstein tuat fest an neue Präsident suacha
i glob bald, da Vorstand tuat jetzt au no an Fernsehma för das Amt buacha.
Denn üsaGirardelli hönds gschickt, är wär jo eigentli au wieder frei
und dä ex Ski-Star hett vu da Birkenau au nöd wit hei.
Und wänn da zvill Chrampfa wärför da Marc
dänn mac hid mörihn halt alsKüngelibock-Präsistark.

I da Zitig tuat ma s präsentiera
z Rüthi oba tönds s Rathaus saniera
will s Gebäude nöd ischbereit
för dia vorgschriebni Erbebensicherheit.

Und üsara Rothaustempelisch för so a Sanierig viel z alt
und s Gemäuer hätt drum scho mänga Spalt.
Und üsi Gmeindrötsind stark und gär nöd so dumm
sie fallid nöd grad wäg jedem klinschta Erdbeba grad um.

Im Kebab-Dreiec k Ochsa, Fantasiaund Subito-Harz-Vier
gits wenigstens för üs Iheimischi no a feins Sonnabräu-Bier.
Drum gang i hüt obad no uf ana schöni Beizatourmit
am Apollo vu da AXA-Winterthur.
Doch wegen däna Beizawörd üsers Dorf nöd attraktiver und schöner
as git z Räbsta bald nu no Dürüm, Kebab und Döner.
Drum widmid wir am Räbstock, am Riethof und da Truba a grossas Kränzli:
Danke för Schwartamaga, Rehrugga und Sauasc hwänzli.

As isch bekannt, dass ohni dia Altstätter nüt mehr lauft
jetzt händs sogär am Kutsc her und am Zelt-Mäk sini Geschäfter ufkauft
Ja, wenn mörGlück hönd und s Fragen nödtönd vergässa
hönd‘s vielleicht sogär för üs Obervögelno Kauf-Interessa.

40 Jahre Hausiund do muas au da Bazza Mürs natürli heri go
und vernünfig wia immer, lohter i da Nacht sis Auto lo stoh‘.
Am Morge wett d’ Mirjam s’Auto und da Ma z’ Marpa abhole
doch die zwei Gselle hönd sich i da Nacht davo gmacht uf liesa Sohle
Da Hausi und Mürs laufid ganz eifach druf los
und hole muess mer beidi füechtfröhlich uf am Stoss

Sie hönd a grossas Problem im Weed ussa
as isch fertig mit Schlafa und Essa verussa.
As seg zum verrückt wära, dä Baustella-Lärm
D Nerva am End‘ und kaputt segid sini Gedärm‘.
Da Lüschi und Familie Hänesind derart geplagt
und hönd amana Zitigsreporter geklagt,
sie gängig bald gega d Gmeind‘ rechtlich vor
wänn da nu nöd wörd a grossas Eigentor?
Denn i könnt da Lüschi eigentli au amol vor da Richter zücha
dänn vor sina Handorgla-Klängkann i au nöd flücha.

Dass da Otto Peter bim Musigverein, das weiss jo jede,
en guete Blöser isch, do drüber mönd wir nöd rede.
Er ischt aber au kulturbesesse, drum will er a Konzert go lose,
„Alt-Persische Musik“ i de reformierte Kirche – aber da isch ganz schö id Hose.
Usser ihm ist nämlich kein Mensch ufem Platz,
ganz truurig schlicht er wieder fort, üsara Räbschter Dorfspatz.
Dahom hät er sich denn besser informiert und glese im Internet,
dasss Konzerte Wuche spöter i de katholische Kirche stattgfunde hät.
So hät da Otto-Peter kei Träne müesse verdrucka,
aber s Zwei hät üse Obervogel jetzt sicher uf em Rugga.

Im Alter tuet man zu Schwachsinn neige,
da tuat üs am Benno Keelsis Bispielzeige.
Dänn er hät ganz ungeniert,
sis Gäld in as neus Cabrio investiert.
S Lache chöned wir üs nöd verkneife,
da Benno mit am rote Chlapf uf vier Reife.
I üserne Auge hätsich die Investition nöd glohnt,
sorry, Benno, gsehsch eifach nöd us wie James Bond.

I lese i da Zitig vum ana neua Fasnachts-Reglement
doch mis Hirni sc haltat stur – irgend öppis klemmt.
Dia Verantwortlicha gebedsich kei Blössi,
und machid Vorschrifta für lärmigi Musik und wäg da Waga-Grössi.
Kei Alkverkauf, Motora-Lärm verbota und au s‘ Kiffa
Mues i ächt am Umzug au nach Reglementgo schiffa?

Üsi Bürger hönd beschlossa, dass ma in a Prüfig investiert,
öbs Sinn macht, dass Räbschta mit Marpa fusioniert.
Sehr motivert sind natürli alli a dia Sach‘ hära ganga,
ob vo däna Rothus-Chrampferd’Hälfti au wörd langa.
Und wunderschöni neui Wappä hönds präsentiert,
i glob,man hät gschieder an Molwettbewerb i da Primarschuel organisiert.
Doch vom Bauamt, da Füürwehr, da Kircha hönds glaub alli scho kapiert,
dass mer au nach einer Fusion als Dorf wieter existiert.
Z’ Kriessera, Muntlaga und o z Eichawies sieht manglob o,
s Vereinsläba und da stuur Dörfligeist bliibt trotz allem bestoh.
Drum liebi Marper, kei Angst, mörschaffid da mit gemeinsamer Kraft
Hauptsach‘ merblibid bi üsem Bier und er suffid witerhin eura Saft!

Dass a Hochzig Jungi tuet animiere
über ehri Liebi noch z studiere
das ka ma jo erkenne,
aber nöd bi da alta Henne.
Nocham Apéro vo Kathrins Trauig isch d Reini rächt zwäg,
und sagt zu zwei junge Manne uf ihrem Heimwäg,
mit enere Luftschlange i de Hand,
mit oder ohni Verstand,
und jetzt müend er ganz guet lose,
Sie sagt: „Söll i eu eine abe blose?“

Da Ortsgemeind sis Fernwärmeprojekt
ischt am Roman Gruber nöd ganz suspekt
Er schriebt i da Zitig an Leserbrief und tuat schnorra
viel zvil Wärmi gäng zwischat Altstätta und Räbschta verlora.
Roman: Künftig bruchscht du weder Schneepflug, Salzstreuer no an Krana
dänn dank dära neua Bodeheizigmuest im Winter nümma go bahna!

Da Donald Trump hät uf am Weg as WEF z Davos an Zwüschahalt z Räbschta gemacht
– isch da nöd famos?
Uf am Dorfplatz isch er um anand tramplat mit allna Security
und i bi zuafällig am Spaziera und drum sogär live dabi

Är zeigat ufs Rothus, do mach i mer scho a chli Sorga
“Döt inna regiert my political Freund, the man with da Handorgla”
Und zum Hoor-Fresser Sieber sim Gschäft, do flip i fascht us
sait är zu si na Lüt” This is Obervogel 14 with the best fake news”.
Da Donald grift sich is orange Haar und sait dänn ganz ohni Stress Hey Busch:
„Can you make for me dia glich Frisur wia am Gress?“
Und wo är nochher s Geserhusg sieht, sait är uf englisch oder aso
“Könnt i nöd bi euara Aktivierungsgruppa a Päärli Söck go liesma cho?”.

I da Goldmühli una suacht da US-Präsi an Cheese-Burger odera Pizza
do rüaft da Hermännli us am alta Kiosk: I schick dir grad mini Ritsa.
Und bim alt-ehrwürdiga Räbstock flüsterad da Trump ganz charmant
„This is my Lady, Zita the Köchin with da best Metzgeta im ganza Land“.
Und z letscht frögat mi da Donald vor da Sonnebräu schräg und senil
„Is this dia berühmt Fischer-Bettwarefabrik from Au-Wädenswil?“